Астанада CCI Kazakhstan компаниясының алкогольсіз сусындар шығаратын зауыты 2016 жылдан бастап жұмыс істейді

Coca-Cola жарнамаға мұқтаж емес - ол бәріне таныс. Елордада CCI Kazakhstan компаниясының алкогольсіз сусындар шығаратын зауыты 2016 жылдан бастап жұмыс істейді.

Бүгін Astana Invest Басқармасы Төрағасының орынбасары Мұхамед Қабульдинов Anadolu Group компаниясының президенті Тунджай Озильханмен кездесті. Кездесудің басты тақырыбы - компанияның елордадағы инвестициялық қызметі. Мұхамед Кабульдинов Нұр-Сұлтан қаласының инвестициялық даму жоспарлары мен перспективалары, Нұр-Сұлтан қаласының әкімшілігі тарапынан инвесторға қолдау көрсету шаралары және т. б. туралы айтып берді.

2018 жылдан бастап Anadolu Group еордада алкогольсіз сусындар шығаратын зауытты кеңейту жұмыстарын жүргізуде. Компанияның қалаға инвестициясы осы жоба шеңберінде - 100 млн. АҚШ долларын құрады.

Зауыт жылына 100 млн. литр түрлі сусын шығарады (Coca-Cola, Fanta, Sprite газдалған сусындары, Fuse tea, құрамында шырыны бар Piko сусындары), жоспарларында 150-200 млн.литр.

Анықтамалық:

• CCI (Coca-Cola Içecek) компаниясы Anadolu Group құрамына кіреді және сату көлемі бойынша Coca-Cola жүйесіндегі алтыншы өндіруші болып табылады.
• Anadolu Group - 1950 жылы Түркияда құрылған Түрік компаниялар тобы. Бүгінгі таңда Anadolu Group әлемнің 19 елінде 10 түрлі секторларда жұмыс істейді және 49 мыңға жуық қызметкер жұмыс істейтін 61 өндірістік нысанына ие. Компания сусындар өндірісі, бөлшек сауда, машина жасау, ауыл шаруашылығы, қаржы, энергетика, инфрақұрылым, ақпараттық технологиялар және басқа секторларда ұсынылған.
• Бүгінгі таңда Anadolu Group Қазақстан экономикасына 800 млн. АҚШ долларын (Кока-Кола Алматы Боттлерс, Эфес Қазақстан, Рамстор) инвестициялады.