Нұр-Сұлтан мен Алматы қалалары 24 млрд. теңгеден аса сомаға ынтымақтастық туралы құжаттарға қол қойды

Елорданың 20 жылдығына арналған Астана күндері аясында Алматы қаласында 21 қыркүйекте «Астана-Алматы «өңіраралық ынтымақтастық» іскерлік форумы өтті. Форум елордалық әкімдіктің қолдауымен «Astana Invest» ұйымдастырылды.

Форум жұмысына Нұр-Сұлтан және Алматы әкімдіктерінің, өңірлік кәсіпкерлер палатасының, даму институттарының, сондай-ақ шамамен 150 қазақстандық және шетелдік кәсіпкерлер қауымдастығы мен бизнес-қоғамдастықтардың өкілдері қатысты.

Нұр-Сұлтан әкімінің орынбасары Ермек Аманшаев елорданың жаңа даму деңгейіне көшуі туралы айтты. Қазір Астана-ең жылдам өсіп келе жатқан қалалардың бірі және әлемдік деңгейдегі сәтті урбанистік жоба. Қала халқы 20 жыл ішінде 3,6 есе, инвестиция - 50 есе, аумақ - 3 есе өсті.

«Нұр-Сұлтан әлемдік трендтерге сүйене отырып, жаңа технологияларды дамытып, жаһандық қалаға айналуда. Мемлекет басшысының тапсырмасын орындау үшін әкімдік 2019-2023 жылдарға арналған инженерлік - көліктік инфрақұрылымды қамтамасыз ете отырып, Нұр-Сұлтан қаласында жинақы құрылыс салу бойынша кешенді жоспар әзірледі. Жоспарды жүзеге асыру қала мен ел экономикасының дамуына оң әсерін тигізеді, сондай - ақ бизнесті дамыту мен инвестиция тарту үшін жаңа мүмкіндіктер ашады», - деді Е. Аманшаев.

Іс-шара аясында В2В диалогтары өтті. Бизнес, мемлекеттік органдар мен екі қаланың даму институттарының өкілдері іскерлік ахуалды, қалалық ортаны жақсарту, мемлекеттік-жеке әріптестікті дамыту және кәсіпкерлікті қолдау бойынша тәжірибе алмасты.

Қатысушылар Нұр-Сұлтанның білім беру, денсаулық сақтау, өнеркәсіп, инвестиция, инновация, туризм, сәулет саласындағы 20 жетістігінің көрмесімен, сондай-ақ осы салалардағы инвестициялау үшін келешек жобалар мен мүмкіндіктермен танысты.

Өзара тиімді ынтымақтастықты ілгерілетудің нәтижесі ретінде форумда екі жақты құжаттарға қол қойылды. Бұл - Нұр-Сұлтан мен Алматы әкімдері арасындағы өзара түсіністік пен ынтымақтастық туралы Меморандум, сондай-ақ қонақ үй кешендерінің құрылысы, металлопластикалық профильдер өндірісі, МЖС және АЭА дамыту саласында жалпы сомасы 24, 5 млрд теңге шамасында жобаларды іске асыру бойынша ынтымақтастық туралы құжаттар.

Сондай-ақ, Нұр-Сұлтанда алкогольсіз сусындардың қолданыстағы өндірісін кеңейту жобасы бойынша «Кока-Кола Алматы Боттлерс» БК» ЖШС уағдаластыққа қол жеткізілді. Бұл жоба Нұр-Сұлтан нарығының осы өнім түріне деген сұранысының көп бөлігін қамтамасыз етеді.  Соңғы 10 жылда компания Қазақстанға 250 млн АҚШ долларынан астам инвестиция салды. Нұр-Сұлтандағы зауыт 80 миллион АҚШ доллары көлемінде инвестиция тартты, бүгін мұнда 100-ден астам адам жұмыс істейді.

Форум жұмысы барысында инновацияны ілгерілету, іскерлік қаржы хабы, туристік орталық ретінде елорданы дамыту, адамдардың өмір сүруі үшін қолайлы жағдайлар жасау және мемлекеттік қызметтердің сапасын арттыру сияқты Нұр-Сұлтанды дамытудың одан арғы басымдықтары белгіленді.

Анықтама:

• Қала халқы 20 жыл ішінде 3,6 есе өсті (1997 ж. – 287 мың, 2018 ж. – 1 031 мың), қала аумағы 3 есе өсті. Соңғы жылдары тұрғын үй, инженерлік және көлік инфрақұрылымы құрылысына қомақты қаражат инвестицияланды.
• Өткен жылы Нұр-Сұлтандағы инвестиция көлемі рекордтық 957 млрд. теңгеге 3%-ға өсумен жетті (49 есе, 1997 жылы – 19,3 млрд. теңге), оның 200 млрд. теңгесі – тікелей шетелдік инвестициялар.
• Ағымдағы жылдың 8 айында негізгі капиталға инвестициялардың НКИ 105,9% (598 млрд.теңге) құрады.

Өзара түсіністік пен ынтымақтастық туралы қол қойылған меморандумдар:

• ​​​​​​​Инвестииялық жобаны іске асыруды сүйемелдеу бойынша: Нұр-Сұлтан қаласында «LD Invest» ЖШС-мен қонақ үй кешенін салу бойынша,
• Нұр-Сұлтан қаласында «Кока-Кола Алматы Боттлерс» БК» ЖШС-мен алкогольсіз сусындардың қолданыстағы өндірісін кеңейту бойынша,
• «Функе» ЖШС-мен Нұр-Сұлтан қаласында металлопластикалық профильдер өндірісін кеңейту бойынша,
• МЖӘ саласында «Алматы» ӘКК» ҰК АҚ-мен, «Astana» ӘКК» ҰК АҚ-мен және «Алматы» ӘКК» ҰК АҚ-мен өзара ынтымақтастық,
• «Астана Технополис» АЭА БК» АҚ және «Инновациялық технологиялар паркі» автономды кластерлік қорының Нұр-Сұлтан, Алматы қ. АЭА дамытудағы өзара ынтымақтастығы.