Нұр-Сұлтан қаласының әкімі Париж қаласының вице-мэрімен кездесті

Нұр-Сұлтан қаласының әкімі Алтай Көлгінов Париж қаласының вице-мэрі Арно Нгатчамен кездесті. Кездесу барысында тараптар мәдениет, экология салаларындағы ынтымақтастықты талқылады, сондай-ақ білім беру саласына, оның ішінде жеке инвестициялар есебінен мектептер салуға жеке тоқталды.

«Мұндай кездесулер ынтымақтастықты жандандыруға, жеке инвестициялар тартуға, тәжірибе алмасуға мүмкіндік береді. Мысалы, ағымдағы жылдың 9 айында біз қала экономикасына 730 млрд теңгеден астам жеке инвестиция тарттық. Қала тұрғындары мен қала тұрғындарына қажетті жобаларды қолдаймыз» - деп атап өтті елорда әкімі Алтай Көлгінов.

Сондай-ақ, Нұр-Сұлтан қаласына ресми сапары аясында Париж вице-мэрі Арно Нгатча Astana Invest басшылығымен кездесіп, оның барысында қаланың туристік әлеуетін ашатын елорда туралы бейнеролик көрсетілді.

Тараптар екі астананың туристік әлеуетін дамыту бойынша ынтымақтастық пен тәжірибе алмасу мәселелерін талқылады.