Энергетика

Қазақстан энергетикалық ресурстардың (мұнай, газ, көмір, уран) ірі қорларына ие және энергетикалық держава болып табылады.

2021 жылмен салыстырғанда энергияның жалпы бастапқы тұтынуы 1,7%-ға ұлғайды және 2022 жылы 69868,3 мың тонна мұнай эквивалентін (1000 тнэ) құрады.

Республиканың барлық электр станциялары 2022 жылы 113,7 млрд кВтсағ өндірді.

2022 жылы электр энергиясын өндіру көлемі 112,8 млрд. кВт құрады. оның ішінде ЖЭК есебінен - 13 419 млн. кВт.оның ішінде гидроэлектростанциялар есебінен - 9 201 млн. кВт.сағ, жел электр станциялары - 2 318,7 млн. кВт.сағ, күн электр станциялары - 1 899,6 млн. кВт.сағ және биогаз станциялары - 2,9 млн. кВт.сағ.

Жалпы бастапқы энергия тұтыну құрылымында ең үлкен үлесті көмір алады - 48,2%. Көлемі бойынша келесі табиғи газ – 26,4%, мұнай және мұнай өнімдері-жалпы бастапқы энергия тұтынудың 23,5%.

Қазіргі уақытта елдегі уран қоры (АЭХА деректері бойынша) 700 мың тоннаға бағаланғанына қарамастан Қазақстанда атом энергиясының әлеуеті іске қосылмаған. Негізгі кен орындары Қазақстанның оңтүстігінде (Түркістан және Қызылорда облыстары), батысында Маңғыстауда, Қазақстанның солтүстігінде орналасқан.

Қазақстанда айтарлықтай гидроресурстар бар, теориялық тұрғыдан елдің барлық гидроресурстарының қуаты жылына 170 млрд кВт сағ құрайды. Негізгі өзендері: Ертіс, Іле және Сырдария.

Сондай-ақ, ЖЭК-ті дамытуды қолдау мақсатында "Жасыл" электр энергиясын сатып алудың жеңілдікті шарттары (тіркелген тарифтер, "Жасыл" сертификаттар, өткізілген аукциондардың қорытындылары бойынша кепілдендірілген сатып алу және т.б.), ЖЭК-тен электр энергиясын өндіретін генерациялайтын қондырғыларды электр желілеріне қосу кезінде, сондай-ақ олар өндіретін электр энергиясын беру және пайдалану кезінде басымдықтар көзделген.

Мемлекет республикалық және жергілікті атқарушы деңгейде елде бизнес жүргізу үшін қолайлы жағдайлар жасау жолымен осы саланы дамыту үшін жағдайлар жасайды. Инвесторларға жеңілдетілген несие шарттары, кедендік баждар, салықтық жеңілдіктер және заттай гранттар ұсынылады.