Пайдаланылған майларды қайта өңдеу арқылы ациклді және циклді көмірсутектер өндірісін ұйымдастыру

Кәсіпорын 2011 жылы құрылды. Компанияда қауіпті қалдықтарды басқаруға арналған лицензия мен барлық қажетті рұқсат құжаттары бар. Өндірістік және тұтынушылық қалдықтардың 4000-нан астам түрін қайта өңдеу/жою жұмыстары жүргізіледі.

Қалдықтарды залалсыздандыру экологиялық қауіпсіз, инновациялық жабдықтарда жүзеге асырылады, олар Жасыл технологиялар халықаралық орталығының тізіліміне енгізілген.

Кәсіпорын басшысы Қазақстан Республикасының Ұлттық стандарттау органының жанындағы №102 «Өндіріс және тұтыну қалдықтары» техникалық комитетінің жұмысын басқарады. Сонымен қатар экология саласындағы ұлттық стандарттар мен ҚР заңнамаларын әзірлеуге белсенді қатысады.